Van der Vaart og De Jong komust ekki í landsliðið

Þó svo Hollendingarnir Rafael van der Vaart og Nigel de Jong hafi fundið sér ný félög í dag þá hafa þeir ekki glaðst yfir þeim tíðindum að vera búnir að missa sæti sitt í hollenska landsliðinu.

Hollenski hópurinn fyrir leikina gegn Tyrklandi og Ungverjalandi í undankeppni HM var tilkynntur í dag og kom ýmislegt þar á óvart.

Ibrahim Affelay og Gregory van der Wiel komust einnig ekki í 23-manna hópinn hjá nýja þjálfaranum Louis van Gaal.

"Þessir strákar eru allir að skipta um félag og hafa þess utan ekki verið að spila reglulega. Þess vegna eru þeir ekki í nógu góðu standi til þess að spila fyrir landsliðið," sagði Van Gaal klettharður.

Hollenski hópurinn:

Markverðir: Maarten Stekelenburg (AS Roma), Tim Krul (Newcastle United), Michel Vorm (Swansea City)

Varnarmenn: John Heitinga (Everton), Bruno Martins Indi (Feyenoord), Joris Mathijsen (Feyenoord), Ricardo van Rhijn (Ajax), Nick Viergever (AZ Alkmaar), Jetro Willems (PSV Eindhoven), Darryl Janmaat (Feyenoord), Ron Vlaar (Aston Villa).

Miðjumenn: Urby Emanuelson (AC Milan), Wesley Sneijder (Inter), Kevin Strootman (PSV Eindhoven), Jordy Clasie (Feyenoord), Leroy Fer (Twente).

Sóknarmenn: Bas Dost (VfL Wolfsburg), Klaas Jan Huntelaar (Schalke 04), Dirk Kuyt (Fenerbahce), Jeremain Lens (PSV Eindhoven), Luciano Narsingh (PSV Eindhoven), Robin van Persie (Manchester United), Arjen Robben (Bayern Münich).