Enginn tók eftir líki karlmanns á netkaffihúsi í Tævan

Lík 23 ára karlmanns í Tævan lá ósnert klukkutímum saman á netkaffihúsi. Maðurinn hafði verið að spila tölvuleik og meðspilarar hans virtust ekki hafa tekið eftir því að hann væri í raun látinn.

Maðurinn fannst látinn á stól á kaffihúsi í borginni Nýju Taípei. Talið er að maðurinn hafi verið látinn í 9 klukkustundir áður en tilkynning barst lögreglu. Lík mannsins hafði stirðnað og hendur hans voru enn á lyklaborði tölvunnar.

Talið er að maðurinn hafi verið að spila tölveikinn League of Legends.

Lögreglan sagði að þreyta, hreyfingarleysi og kalt veður hafi líklega orsakað hjartaáfallið.