Féll í kælilaug kjarnaofns

Starfsmaður í kjarnorkuveri í Kaliforníu varð fyrir þeirri óheppilegri reynslu að detta ofan í kælilaug kjarnaofns. Slysið átti sér stað þegar hann teygði sig í vasaljós sem hann hafði misst.

Þótt ótrúlegt megi virðast varð manninum ekki meint af. Hann var mættur aftur í vinnuna eftir hádegi.

Sérfræðingar hjá San Onofre kjarnorkuverinu segja að maðurinn hafi ekki orðið fyrir stórfelldri geislun.

„Hann var í réttum hlífðarbúnaði," sagði Gil Alexander, talsmaður kjarnorkuversins. „Hann var jafnvel í björgunarvesti."

„Til allrar hamingju höfðu starfsmenn kjarnorkuversins fjarlægt geislavirkar úraníum-stangir úr kjarnaofninum í síðustu viku," sagði Alexander.