Erlent

Fjölmiðlafár eftir að Ryan Gosling bjargaði konu í New York

Ryan Gosling
Ryan Gosling mynd/AFP
Bandaríski leikarinn Ryan Gosling bjargaði ungri konu frá því að verða fyrir leigubíl í New York í dag. Málið hefur vakið töluverða athygli, ekki einungis vegna hetjudáðar leikarans, heldur vegna eftirkasta atviksins.

Konan heitir Laurie Penny og er þekktur blaðamaður í Bretlandi. Hún greindi frá atvikinu á samskiptamiðlinum Twitter. Þar sagði hún að Gosling hafi rifið í sig þegar hún steig óvart í veg fyrir leigubíl í Manhattan.

Penny birti þessi skilaboð stuttu eftir atvikið:

Penny birti nokkur skilaboð í kjölfarið þar sem hún lýsti aðdraganda atviksins. Þá staðfesti önnur kona að Gosling hefði sannarlega verið að verki.

Málið vakti mikla athygli í Bandaríkjunum. Penny hefur nú biðlað til fjölmiðla þar í landi um að hætta að reyna að hafa samband við sig. Hún hefur einnig lýst undrun sinni á þeirri miklu athygli sem stök færsla á Twitter hafi fengið.

Hún þakkaði Gosling fyrir lífsbjörgina en vildi þó ekki gera mikið úr málinu. "Flestir hefðu gert hið saman," sagði Penny á Twitter.

Ein af fjölmörgum myndum sem metnaðarfulla námskonan hefur birt á vefsíðu sinni.mynd/feministryangosling.tumblr.com
Þetta er ekki í fyrsta sinn sem Gosling skýtur upp kollinum þegar hætta steðjar að. Fyrir nokkrum mánuðum stöðvaði hann slagsmál tveggja manna í Manhattan. Atvikið náðist á myndband og fór sem eldur í sinu um veraldarvefinn.

En Gosling er ekki aðeins vinsæll hjá kvikmyndagerðarmönnum og íbúum New York. Undarlega hefur Gosling orðið að einskonar táknmynd fræðilegrar umræðu um femínisma og kyngervi.

Fyrir nokkrum mánuðum hóf ung námskona í Bandaríkjunum að birta ljósmyndir af Gosling ásamt hugleiðingum úr fræðum femínismans. Vefsíða konunnar hefur vakið gríðarlega athygli. Sjálfur hefur Gosling lýst yfir ánægju sinni með síðuna.

Hann gekk svo langt að lesa af nokkrum myndum í spjallþætti í Bandaríkjunum fyrir stuttu.

Mest lesið


Fleiri fréttir

Sjá meira


×

Mest lesið