Jarðarbúar beðnir um að horfa til himins

Geimvísindamenn leita nú til almennings eftir hjálp við leit að lífi í alheiminum. Á nýrri vefsíðu getur fólk nú leitað í rannsóknargögnum stjarneðlisfræðinga og vonandi uppgötvað það sem ofurtölvur hafa ekki getað numið hingað til.

Verkefnið er á vegum bandarísku vísindastofnunarinnar SETI (e.Searh for Extraterrestrial Intelligence) en hún hefur um áraraðir leitað ummerkja um líf í alheiminum.

Stjórnandi SETI, Dr. Jillian Tarter, opinberaði verkefnið á ráðstefnunni TED fyrir stuttu. Dr. Tarter hefur stjórnar SETI árum saman og hefur hlotið mikið lof fyrir.

Vefsíðan birtir gögn frá útvarpssjónaukum SETI sem staðsettir eru í Kaliforníu í Bandaríkjunum. „Við viljum virkja huga jarðarbúa í leit okkar að lífi í alheiminum," sagði Dr. Tarter.

SETI hefur átt fjárhagskröggum síðustu ár og reiðir sig á fjárframlög frá almenningi.

Hægt er að sjá ræðu Dr. Tarten hér fyrir ofan. Einnig er hægt að fræðast um verkefnið á heimasíðu SETI.