Facebook lá niðri í fjölda landa í morgun

Samskipavefurinn Facebook lá niðri á Norðurlöndunum, fyrir utan Ísland, um tíma í morgun sem og í nokkrum fjölda annarra landa í Evrópu og víðar um heiminn. Hann er kominn í gagnið að nýju.

Forráðamenn Facebook vita ekki hvað gerðist en ekki er hægt að útiloka að tölvuárás hafi átt sér stað gegn Facebook að því er segir í erlendum fjölmiðlum.

Mikil umræða fór gang um málið á twitter þar sem fólk skiptist á upplýsingum um hvar Facebook virkaði ekki.

Meðal þeirra landa þar sem Facebook sló út, fyrir utan Norðurlöndin voru Tyrkland, Rússland, Indland, Suður-Kórea og Egyptaland.