Jeb Bush styður Mitt Romney

Mitt Romney náði mikilvægum áfanga í gærdag í baráttu sinni um að verða forsetaefni Repúblikanaflokksins. Þá ákvað Jeb Bush hinn áhrifamikli ríkisstjóri Flórída að styðja Romney og hvatti jafnframt alla Repúblikana til að gera hið sama.

Þessi meðmæli Bush þykja mikið áfall fyrir Rick Santorum sem nú er ákaft hvattur til þess að hætta baráttu sinni af ráðamönnum innan Repúblikanaflokksins.

Bent er á að Romney hafi þegar náð stuðningi yfir 560 kjörmanna eða helmingi fleiri en Santorum það sem af er prófkjörunum. Santorum segist hinsvegar ætla að berjast til þrautar við Romney.