Bresk börn eyða 353 klukkustundum á hverju ári í tölvunotkun

Bresk rannsókn hefur leitt í ljós að börn á tíunda aldursári eyða 353 klukkustundum á hverju ári í einhvers konar tölvunotkun. Að meðaltali nota börnin tölvur eða tækni í tæpa klukkustund á degi hverjum.

Könnunin var skipulögð af leikfangaframleiðandanum Leapfrog. Alls voru 2.000 foreldrar spurðir út í tölvunotkun barna sinna.

Samkvæmt niðurstöðunum eiga tvö hverjum þremur börnum sína eigin myndavél, leikjatölvu eða farsíma. Sex prósent barnanna eiga sína eigin spjaldtölvu.

Sjötíu prósent barnanna nota borð- eða fartölvur foreldra sinna á meðan 16% barna undir tíu ára aldri eiga sína eigin tölvu.

Rúmur helmingur foreldra sagði að tæknin hafi haft jákvæð áhrif á fjölskylduna og að tengsl fjölskyldumeðlima hafa styrkst með tilkomu tækninýjunga.

„Niðurstöðurnar sýna fram á þá breytingu sem hefur átt sér stað í viðhorfi foreldra til tækninýjunga," sagði Dr. Ian Pearson. „Tæknin er nauðsynlegur hluti samtímans og þessi hluti á aðeins eftir að stækka."

„Á næstu tíu árum munum við sjá gríðarlega aukningu í spjaldtölvunotkun. Lesbretti munu brátt hertaka kennslustofur og nýstárleg kennslutæki eiga eftir að endurskilgreina námið í heild sinni."