Heimildarmynd um Obama væntanleg

Barack Obama, Bandaríkjaforseti, mun opinbera nýja heimildarmynd 15. mars næstkomandi. Myndin er liður í kosningabaráttu forsetans en hann sækist nú eftir endurkjöri.

Heimildarmyndin heitir „The Road We've Traveled." Leikarinn Tom Hanks ljær myndinni rödd sína. Í henni er farið yfir helstu afrek og verkefni Obama í embætti og rætt við æðstu menn ríkisstjórnar hans.

Þar á meðal er rætt við varaforseta Bandaríkjanna, Joe Biden og Rahm Emanuel, borgarstjóra Chicago.

Repúblikanar eru ekki sáttir við heimildarmyndina og segja að atvinnuleysi hafi aldrei verið meira í Bandaríkjunum og að skuldir ríkisins hafi aukist verulega á síðustu 4 árum.

Heimildarmyndin er 17 mínútur að lengd og er leikstýrt af David Guggenheim.

Hægt er að sjá sýnishorn úr „The Road We've Traveled" hér fyrir ofan.