Hetjuleg barátta andabónda við skipulagsyfirvöld á enda

Eftir margra ára samningaviðræður gekk kínverski andabóndinn Luo Baogen loks að tilboði yfirvalda. Jarðýtur voru kallaðar til og í gær var hús bóndans, sem staðið hafði á miðri hraðbraut, rifið.

Luo, sem er 67 ára gamall, bjó í húsinu ásamt eiginkonu sinni til margra ára. Fyrir nokkru fóru stjórnvöld í Zhejang-héraði í austurhluta Kína fram á að Luo myndi flytja svo að hægt væri að leggja veg þar sem heimili hans stóð.

Luo afþakkaði tilboðið. Yfirvöld voru þó ekki síður þrjósk og von bráðar var heimili Luo umkringt malbiki. Mikið fjölmiðlafár upphófst og fjallað var um Luo og baráttu hans við yfirvöld víða um heim.

Á endanum var það athyglin sem bar Luo blessaðan ofurliði. Samkvæmt fréttum kínverskra fjölmiðla af málinu ákvað Luo að samþykkja rúmlega 5 fimm milljóna króna tilboð stjórnvalda í eign sína, einfaldlega til að binda enda á umfjöllun fjölmiðla.

Jarðýturnar jöfnuðu heimli Luo og konu hans við jörðu í gær.