Erlent

Þrír létust í Hrekkjavökuteiti

Frá Hrekkjavökufögnuði í Madrid. Myndin tengist efni fréttarinnar ekki beint.
Frá Hrekkjavökufögnuði í Madrid. Myndin tengist efni fréttarinnar ekki beint. MYND/AP
Hrekkjavökupartý endaði með ósköpum í Madrid í morgun þegar þrjár ungar konur tróðust undir og létust.

Tveir aðrir veislugestir liggja sárir eftir og eru sagðir lífshættulega slasaðir. Fólkið kom saman í Madrid Arena íþróttahöllinni til að fagna Hrekkjavöku.

Ekki liggur fyrir hversu margir voru í gleðskapnum þegar atvikið átti sér stað en höllin tekur um 10 þúsund manns.

Óðagotið myndaðist þegar blysi var hent í mannfjöldann. Eins og áður segir voru fórnarlömbin þrjár ungar konur, tvær átján ára og ein 25 ára.

Mest lesið


Fleiri fréttir

Sjá meira


×

Mest lesið