Obama tapar miklu fylgi meðal hvítra kjósenda

Skoðanakannanir í Bandaríkjunum sýna að Barack Obama Bandaríkjaforseti hefur tapað miklu fylgi meðal hvítra manna í kosningabaráttunni um forsetaembættið.

Obama er með 21% minni stuðning meðal hvítra kjósenda en Mitt Romney. Til samanburðar má nefna að í síðustu forsetakosningum fékk John McCain 12% meira fylgi meðal hvítra kjósenda en Obama.

Hinsvegar nýtur Obama yfirburða fylgis þegar kemur að svörtum kjósendum og kjósendum af latneskum uppruna.

Stjórnmálaskýrendur vestan hafs velta því fyrir sér hvort þeir yfirburðir verði nægilegir til að vega upp á móti minnkandi stuðningi meðal hvítra.