Tilboð á leiðinni frá Juventus í Walcott

Ítölsku meistararnir í Juventus eru enn að skoða Theo Walcott, leikmann Arsenal, og er talið líklegt að félagið geri 10 milljón punda tilboð í leikmanninn í janúar.

Walcott er á sínu síðasta samningsári við Arsenal en hann hafnaði samningstilboð félagsins sem hljóðaði upp á 75 þúsund punda vikulaun. Walcott vildi fá 100 þúsund en það var Arsenal ekki til í að greiða.

Janúar verður væntanlega lokatækifæri fyrir Arsenal að fá einhvern pening fyrir enska landsliðsmanninn því ekki er líklegt að hann skrifi undir nýjan samning miðað við óbreytt ástand.