Frábær endurkoma bandarísku stelpnanna

Ólympíumeistarar Bandaríkjanna unnu frábæran 4-2 sigur á Frökkum í knattspyrnukeppni kvennalandsliða sem hófst í dag.

Frönsku stelpurnar byrjuðu leikinn mun betur. Tvö mörk á þremur mínútum snemma leiks komu liðinu í 2-0 og útlitið gott.

Bandaríkin bitu heldur betur frá sér á Hampden Park í Glasgow og voru búnar að jafna metin eftir um hálftíma leik.

Eftir jafna stöðu í hálfleik bættu bandarísku stelpurnar við tveimur mörkum í síðari hálfleik og tryggðu sér 4-2 sigur.