Jürgen Klopp ætlar sér ekki að taka við Chelsea

Jürgen Klopp, þjálfari þýska meistaraliðsins Borussia Dortmund, segir að það sé mikill heiður að vera orðaður við knattspyrnustjórastöðuna hjá enska úrvalsdeildarliðinu Chelsea. Klopp sagði í viðtali við Sky sjónvarpsstöðina í gær að hann myndi afþakka tilboð frá Chelsea ef það bærist.

Klopp er í hópi fjölmargra sem hafa verið nefndir til sögunnar sem næsti knattspyrnustjóri Chelsea. Jose Mourinho og Pep Guardiola eru ítrekað orðaðir við Chelsea og nafn Klopp hefur skotið upp kollinum á undanförnum dögum. Þýski þjálfarinn var beinskeittur í viðtali eftir bikarleik Dortmund í gærkvöld. „Ég get hafnaði tilboðinu hér og nú. Ég er ekki að fara flytja til Englands en það er frábært að vera í hópi með þeim Mourinho og Guardiola í þessu samhengi. Fyrir mig er það nóg, þetta er persónulegur sigur en ég er ekki á lausu," sagði Klopp í gær.