Erlent

Franski fjöldamorðinginn handtekinn

Frá vettvangi í Toulouse í dag.
Frá vettvangi í Toulouse í dag. mynd/AP
Umsátursástandinu við fjölbýlishús í borginni Toulouse í Frakklandi er lokið. Samkvæmt breska ríkisútvarpinu var hinn 23 ára gamli Mohammed Merah handtekinn fyrir stuttu.

Merah er grunaður um að hafa myrt sjö manns í suðurhluta Frakklands á síðustu vikum, þar á meðal þrjú börn við gyðingaskóla í Toulouse.

Ekki er vitað hvort að Merah hafi verið yfirbugaður af lögreglumönnum eða að hann hafi gefið sig fram.

Merah hafði samband við fréttastofuna France 24 í nótt og lýsti yfir á ábyrgð á morðunum.

Lögreglan gerði atlögu að Merah í fjölbýlishúsi stuttu seinna en þurfti að hörfa eftir að hann skaut að lögreglumönnum.

Merah sagðist hafa tekið morðin upp á myndband og ætlaði að birta myndskeiðin á veraldarvefnum í dag.

Samningaviðræður milli Merah og lögreglunnar stóðu yfir í nótt. Engar kröfur voru þó gerðar af hálfu Merah. Fyrr í dag gaf hann til kynna að myndi gefa til fram seinna í dag.

Leyniþjónustan í Frakkland hefur fylgst með Merah um nokkurt skeið. Hann er þekktur ofbeldismaður í Toulouse og hefur framið 18 ofbeldisbrot á brotaferli sínum.

Samkvæmt fjölmiðlum í Frakklandi hefur fjölskylda Merah verið færð í varðhald ásamt nokkrum vinum hans.


Tengdar fréttir

Sama byssan notuð í árásum á hermenn

Talið er að byssan sem notuð var í skotárás í skóla fyrir gyðinga í frönsku borginni Toulouse í morgun hafi verið notuð í tveimur eldri árásum. Sama er að segja um vélhjólið sem árásarmaðurinn notaði en hjólinu og byssunni var stolið fyrir nokkru. Fjórir létust í árásinni í morgun og sautján ára piltur særðist alvarlega.

Fjöldamorðingja leitað í Frakklandi

Fjórir eru látnir eftir að byssumaður á vespu eða mótorhjóli hóf skothríð við gyðingaskóla í borginni Toulouse í Frakklandi í gærmorgun. Þrjú börn létust og eitt er alvarlega sært. Viðtæk leit hefur verið gerð að manninum.

Gífurleg leit að árásarmanninum í Toulouse

Einhver mesta lögregluleit í sögu Frakklands er nú gerð að árásarmanninum sem skaut fjóra til bana, þar af þrjú börn fyrir utan gyðingaskóla í borginni Toulouse í gærmorgun.

Fjórir látnir eftir skotárás í Frakklandi

Fjórir eru látnir eftir að maður hóf skotárás á gyðingaskóla í borginni Toulouse í Frakklandi í morgun. Nicolas Sarkozy, forseti Frakklands segir árásina vera þjóðarharmleik.

Fjöldamorðinginn umkringdur af lögreglu í Toulouse

Sérsveit frönsku lögreglunnar hefur staðið í skotbardaga í nótt við húsi í úthverfi Toulouse en þar býr maður sem grunaður er um aðild að skotárásinni á gyðingaskóla í borginni fyrr í vikunni. Búið er að handtaka bróður mannsins en tveir lögreglumenn munu hafa særst í bardaganum.

Fjöldamorðinginn ætlar að birta myndbönd af morðunum í dag

Meintur fjöldamorðingi sem nú hefur verið króaður af í fjölbýlishúsi í borginni Toulouse í Frakklandi hafði samband við fréttastofuna France 24 í nótt. Maðurinn lýsti yfir ábyrgð á morðunum við blaðamann og sagðist hafa myndað ódæðin.

Mest lesið


Fleiri fréttir

Sjá meira


×

Mest lesið