Háværar kröfur um opinbera rannsókn á máli Merah

Í ljós hefur komið að Merah var undir eftirliti leyniþjónustunnar árum saman og hann var ennfremur á bannlista í Bandaríkjunum þar sem hann hafði hlotið þjálfun í búðum hryðjuverkamanna í Pakistan og Afganistan. Sjálfur sagðist Merah tilheyra al-kaída samtökunum.

Franska leyniþjónustan yfirheyrði Merah síðast í nóvember s.l. vegna ferða hans til framangreindra landa en svo virðist sem síðan þá hafi eftirlit með honum og gjörðum hans verið lítið og stopult.

Hryðjuverkasérfræðingar segir að Merah hafi verið einfari, eða einmanna úlfur eins og það er kallað, og að mjög erfitt sé að berjast gegn þeim. Talið er að yfir 400 einfarar eins og Merah séu til staðar í Evrópu en þeir eiga það sameiginlegt að hafa fengið þjálfun til hryðjuverka í Pakistan og Afganistan.