Móðir lamdi fíkniefnasala með hafnaboltakylfu

Móðir í Missouri í Bandaríkjunum tók málin í sínar hendur þegar dópsali reyndi að selja syni hennar heróin. Hún lamdi sölumanninn með hafnaboltakylfu.

Sherrie Gavan hafði leitað allra leiða til að snúa syni sínum á réttu brautina. Hún hafði fært piltinn milli skóla, farið menn hann í regluleg fíkniefnapróf og lagt hald á farsíma hans. Ekkert gekk.

Þegar dópsalinn Joshua Loyd birtist á lóð hennar fékk Sherrie endanlega nóg.

„Móðurtilfinningin tók yfir, sagði Sherrie í viðtali við fréttastofuna ABC. „Ég vissi hver drengurinn var, ég þekki föður hans og vissi að hann væri að selja heróín. Ég var meir að segja búin að biðja pabba hans um hafa hemil á honum."

Sherrie ræddi við Loyd í heimkeyrslunni. Þegar Loyd seildist eftir einhverju í bíl sínum fór uggur um Sherrie. Hún greip það sem hendi var næst, hafnaboltakylfu úr stáli, og lamdi Loyd í höfuðið.

„Ég veit ekki hvort að þetta var hið rétta í stöðunni," sagði Sherrie. „En þetta var það eina sem ég gat gert."

Loyd hefur kært Sherrie fyrir líkamsárás. Fjöldi fólks hefur lýst yfir stuðningi sínum við Sherrie og var stuðningshópur stofnaður á samskiptasíðunni Facebook.