Langar biðraðir á Kastrupflugvelli

Langar biðraðir hafa myndast við öryggisgæsluna á Kastrupflugvelli í morgun. Ástæðan fyrir þessu er að öryggisverðir flugvallarins, sem eiga í kjarabaráttu, ákváðu að halda faglegan fund klukkan fimm í morgun að staðartíma og stendur hann enn.

Af þeim sökum er aðeins eitt af öryggishliðum vallarins opið í augnablikinu en venjulega eru þau fimm eða sex til að anna morgunumferðinni um Kastrup.

Fundur öryggisvarðanna stóð enn nú um sjöleytið en fjölmiðlafulltrúi Kastrup segir við danska fjölmiðla að hann eigi von á að öryggisverðirnir komi aftur til starfa á hverri stundu.