Undirbúa flutning á líkum 22 barna heim til Belgíu

Stjórnvöld í Belgíu eru nú að undirbúa flutning á líkum þeirra 22 barna og sex fullorðna sem fórust í rútuslysinu í Sviss í fyrrakvöld.

Tvær Herkúles herflugvélar eru í viðbragðsstöðu til að taka við líkunum og flytja þau heim til Belgíu. Fram hefur komið að sjö af börnunum sem fórust voru frá Hollandi.

Rannsókn á tildrögum slyssins stendur enn yfir en um er að ræða versta umferðarslys á síðari tímum í Sviss. Svo virðist sem rútan hafi skollið á hliðarvegg í undirgöngum á 100 kílómetra hraða á klukkustund. Á bakvið þennan hliðaregg var neyðarútgangurinn úr göngunum.