Fundu mikið magn af vopnum og sprengiefni í Kaupmannahöfn

Lögreglan í Kaupmannahöfn hefur fundið mikið magn af vopnum og sprengiefni í kjallaraíbúð á Austurbrú.

Það var sérdeild lögreglunnar, Task Force Öst, sem berst gegn skipulögðum glæpasamtökum á borð við Hells Angels og Bandidos sem fann vopnin og sprengiefnið og handtók jafnfram fimmtugan karlmann sem áður hefur komið við sögu sérdeildarinnar.

Meðal þeirra vopna sem lagt var hald á má nefna 20 skammbyssur, 20 hálfsjáfvirka riffla, og þrjár hríðskotabyssur. Þá fundust einnig fjöldi af handsprengjum, um 2 kíló af TNT sprengiefni og um 25 kíló af púðri ásamt miklu magni af skotfærum.