Fundu líkamsleifar á fjallinu

Sænska lögreglan tilkynnti seinni partinn í dag að hún hefði fundið líkamsleifar í hlíðum Kebnekaise hæsta fjalli Svíþjóðar, þar sem norska Herkúles flugvélin fórst í fyrradag. Frá þessu er greint á vef norsku sjónvarpsstöðvarinnar TV 2.

Leit hefur staðið yfir í dag á fjallinu eftir að brak úr vélinni fannst þar. Vélin var á leið frá Evenes í Noregi til Kiruna í Svíþjóð þegar hún hvarf af ratsjá en fimm norskir hermenn voru um borð þar á meðal ein kona. Fundist hafa mörg þúsund brot úr vélinni á víð og dreif á fjallinu.