Upprættu alþjóðlegan barnaklámshring

Lögreglan í Bandaríkjunum og Ítalíu hefur upprætt alþjóðlegan barnaklámshring. Tíu manns voru handteknir í Bandaríkjunum, Ítalíu, Frakklandi og Portúgal vegna málsins og yfir 100 manns eru þar að auki til rannsóknar vegna aðildar sinnar að hringnum.

Domenico Di Somma yfirmaður í ítölsku lögreglunni segir að talið sé að allt að 700 manns víða um heiminn hafi haft tengsl við barnaklámshringinn og aðstoðað hann við að dreifa kláminu.

Rannsóknin á þessu máli hafði staðið yfir í um eitt ár áður en lögreglan lét til skarar skríða.