Titanic í nýju ljósi

Vísindamenn hafa birt sónarmyndir af áætlunarskipinu Titanic sem sökk fyrir tæpum 100 árum. Myndirnar sína slysstaðinn af mikilli nákvæmni og varpa nýju ljósi á skipsbrotið.

Myndirnar eru samsettar af rúmlega 100.000 ljósmyndum sem teknar voru með hjálp kafbáta fyrir tveimur árum.

Titanic sökk á Norður-Atlantshafi árið 1912 eftir að hafa rekist á ísjaka. Rúmlega 1.500 manns létust í skipsbrotinu.

Myndirnar gera vísindamönnum kleift að rannsaka aðdraganda slyssins. Að auki geta vísindamennirnir nú áætlað hvernig skipið sökk.

Samkvæmt myndunum virðist skut Titanic hafa snúist þegar skipið hvarf í djúpið í stað þess að sökkva beint til botns.

Fjallað verður um ljósmyndirnar í heimildarmynd sem sýnd verður á History Channel, 15. apríl næstkomandi.