Mannréttindaráð biður um vopnahlé í Sýrlandi

Mannréttindaráð Sameinuðu Þjóðanna fundaði um ástandið í Sýrlandi í dag og biðlar til andspyrnu hópa og stjórnvalda í landinu um að leggja niður vopn.

Navi Pillay, Mannréttindafulltrúi Sameinuðu Þjóðanna, sagði að henni hafi borist fregnir af því að öryggissveitir Sýrlands vinni markvisst að því að loka fyrir aðgang andspyrnumanna og óbreyttra borgara að mat, vatni og læknisaðstoð.

Sendifulltrúi Sýrlands í Mannréttindaráðinu gekk af fundinum og sakaði meðlimi þess um að útvega andspyrnumönnum vopn.