Sýrlenski herinn herðir sóknina í Homs

Sýrlenski herinn hefur ákveðið að senda fótgönguliða inn í borgina Homs í dag. Herinn hefur látið sprengjum rigna yfir borgina á síðustu vikum og hafa yfirvöld í landinu nú ákveðið að herða sóknina.

Öryggisráð Sameinuðu Þjóðanna vinnur nú að nýrri ályktun um ástandið í Sýrlandi. Ályktunin miðar að því að binda enda á átökin svo að hægt sé að koma neyðaraðstoð til þeirra svæða sem verst hafa orðið úti í átökunum.

Vonast er til að Rússland og Kína styðji ályktunina en löndin voru á móti fyrri ályktun Öryggisráðsins um ástandið í landinu.

Á fundi Sameinuðu Þjóðanna í gær kom fram að um 7.500 manns hafi látist í Sýrlandi frá því að átökin hófust fyrir 11 mánuðum.