New York séð úr Alþjóðlegu geimstöðinni

Geimfarar í Alþjóðlegu Geimstöðinni náðu ótrúlegri mynd af austurströnd Bandaríkjanna þar sem New York sést upplýst að nóttu til.

Á myndinni má einnig sjá borgirnar Philadelphia og Boston. Útlínur Ontario sjást einnig. Efst á myndinni er síðan þunnt gufuhvolfið sem verndar allt líf á jörðinni.

Alþjóðlega Geimstöðin (ISS) hefur verið á sporbraut um jörðu frá árinu 1998. Áætlað er að geimstöðin verði í notkun þangað til árið 2020.

En þrátt fyrir aldur sinn er geimstöðin að öllum líkindum eitt stórfenglegasta vísindaafrek mannkyns.

Geimstöðin ferðast á 28.000 kílómetra hraða umhverfis jörðina og er í tæpar 90 mínútur að fara heilann hring.