SOPA dregið til baka

SOPA frumvarpið sem snýst um höfundavarnir á efni á Internetinu, hefur verið tekið út úr fulltrúadeild Bandaríkjaþings. Lamar Smith, fulltrúadeildarþingmaðurinn, sem lagði frumvarpið fram tilkynnti þetta í gærkvöld. Hann vill ná meiri sátt um málið áður en það fer lengra.

„Það er augljóst að við verðum að hugsa upp á nýtt hvernig við ætlum að fást við það vandamál að þjófar steli og selja bandarísk hugverk og vörur," er haft eftir Smith á vef Reuters.

SOPA frumvarpið hefur sætt mikilli gagnrýni. Til dæmis ákváðu margar af stærstu vefsíðum í heimi að loka í liðinni viku til að mótmæla frumvarpinu.