Útvarpssendingar mannkyns eiga langt ferðalag fyrir höndum

Frá því að ítalski eðlisfræðingurinn Guglielmo Marconi fékk einkaleyfi á þráðlausar skeytasendir árið 1895 hefur mannkynið sent útvarpsbylgjur út í alheiminn. En þrátt fyrir að rúm öld sé liðin frá upphafi útvarpssendinga þá ná þær aðeins yfir brotabrot af Vetrarbrautinni.

Hingað til hafa útvarpsbylgjurnar ferðast 200 ljósár í allar áttir frá Jörðinni. En til þess að öll vetrarbrautin fái skilaboðin verða sendingarnar að ferðast í 118.800 ljósár.

Vísindamaðurinn Adam Grossman tók saman upplýsingar um útvarpssendingar mannkyns og reiknaði út lengd þeirra í ljósárum. Hann birti niðurstöðurnar síðan á frægri mynd Nicks Risinger af Vetrarbrautinni.

Blái punkturinn sýnir þá fjarlægð sem útvarpssendingar okkar hafa borist á síðustu 100 árum. Djúpt inn í bláa punktinum er síðan Jörðin falin.