Sarah Palin tilnefnd sem versta leikkona - lék sjálfa sig

Sarah Palin, fyrrverandi ríkisstjóri Alaska, hefur verið tilnefnd sem versta leikkona ársins en hún lék sjálfa sig í heimildarmyndinni „The Undefeated."

Tilkynnt var um tilnefningar til Razzie-verðlaunanna í gær en þar eru kvikmyndagerðarmenn og leikarar heiðraðir fyrir vafasamar frammistöður á liðnu ári.

Á hátíðinni eru verstu leikarar ársins heiðraðir sem og versta kvikmynd ársins og fleira.

Palin etur kappi við nokkra heimsfræga leikara. Þar á meðal eru Adam Sandler fyrir kvikmyndina „Jack & Jill," Sarah Jessica Parker fyrir kvikmyndina „I Don't Know How She Does It," Kristen Stewart fyrir „Twilight Saga: Breakind Dawn Part I."

Razzie verðlaunin hafa verið afhend síðan árið 1980 en það var rithöfundurinn John Wilson sem áttu hugmyndina.

Verðlaunaafhendingin fer fram 1. apríl næstkomandi.

Hægt er að sjá sýnishorn úr kvikmyndinni „The Undefeated“ hér fyrir ofan.