Erlent

Flugvöllur í Japan lokaður vegna sprengju

Búið er að loka Sendai flugvellinum, einum stærsta flugvellinum í norðurhluta Japans. Lokunin kemur í kjölfar þess að stór sprengja frá seinni heimsstyrjöldinni fannst við enda einnar flugbrautarinnar þegar verið var að lengja hana.

Sprengjan sem er 250 kíló að þyngd er bandarísk að uppruna. Sprengjusérfræðingar eru komnir á staðinn en ekki er útilokað að rýma þurfi heimili í nágrenni flugvallarins vegna sprengjunnar.

Verið er að meta hvort reyna eigi að fjarlægja sprengjuna eða sprengja hana á staðnum.

Mest lesið


Fleiri fréttir

Sjá meira


×

Mest lesið