Fólk flykkist að lokuðum kaffihúsum

Viðskiptavinir Starbucks halda tryggð við kaffihúsin jafnvel þó fellibylurinn Sandy hafi sett nokkuð strik í reikninginn hjá þeim. Kaffihúsin hafa verið lokuð vegna óveðursins en það hefur ekki aftrað viðskiptavinum frá því að mæta. Fólk hreinlega flykkist að Starbucks þó það sé lokað. Ástæðan er sú að þráðlausa netið á Starbucks virkar vel þó margir séu en án nettengingar heima hjá sér eftir fárviðrið. Vegfarendur geta því staðið fyrir utan Starbucks með þráðlausar græjur og bjargað sjálfu sér inn á netið. Á Manhattan í dag mátti því víða sjá fólk sem raðaðaði sér upp á stéttina fyrir framan Starbucks til að sækja póstinn sinn og rápa um veraldarvefinn.

Bráðinn ís á hálfvirði

Flestar verslanir á Manhattan voru lokaðar í rafmagnsleysinu í dag. Einstakar verslanir höfðu þó opið í rafmagnsleysinu. Borgarbúar gátu sumstaðar keypt kælivörur á góðum afslætti, meðal annars bráðnaðan ís á hálfvirði.