Bandarískur hermaður fór um og skaut saklausa borgara í Afganistan

Bandarískur hermaður fór um í grennd við borgina Kandahar í Afganistan í morgun og skaut á óbreytta borgara.

Ekki er vitað hversu margir særðust eða féllu en það mun vera allnokkrir. Hermaðurinn er í haldi bandaríska hersins en hann var einn á ferð. Ekki er vitað hvað honum gekk til. Afgönsk yfirvöld munu rannsaka málið ásamt bandaríska hernum.

Samskiptin þarna á milli fara síversnandi, sérstaklega eftir að upp komst að bandarískir hermenn hefðu brennt nokkur eintök af kóraninum. Sex bandarískir hermenn voru drepnir í kjölfarið meðal annars af afgönskum hermönnum.