Mansal hefur aukist í Noregi

Mansal í Noregi fer vaxandi vegna versnandi efnahags í stórum hluta Evrópu. Í Noregi hafa verið kveðnir upp 27 dómar vegna mansals.

Um helmingur þeirra var kveðinn upp í Hörðalandi þar sem lögreglan hefur sett á laggirnar sérstakan hóp sem vinnur gegn mansali, að því er kemur fram í frétt Aftenposten um mansalsráðstefnu. Ekki þykir nóg að vinna að því að fyrirbyggja mansal, vernda fórnarlömbin og refsa gerendum. Nauðsynlegt þykir að hafa samband við yfirvöld í löndum þaðan sem fjöldi þolenda kemur. Evrópusambandið hefur meðal annars þrýst á yfirvöld í Nígeríu.