Curiosity étur sand í þágu vísindanna

Jarðvegur Mars, ef marka má rannsóknir Curiosity, vitjeppa NASA, er áþekkur þeim sem finna má á Íslandi.

Frá því að Curiosity lenti á Mars snemma í ágúst síðastliðnum hefur þessi færanlega rannsóknarstöð rúntað löturhægt um auðnir rauðu plánetunnar. Alls hefur Curiosity ferðast um 480 metra.

Á síðustu vikum hefur vitjeppinn hafið rannsóknir sínar en þær felast meðal annars í því að skjóta röntgengeislum á jarðveg Mars og að innbyrða sandinn.

Vonast er til að jarðvegssýnin varpi ljósi á jarðfræðilega forsögu Mars.

Rétt eins og kenningar vísindamanna gerðu ráð fyrir hafa niðurstöður úr rannsóknum Curiosity sýnt fram á að jarðvegur rauðu plánetunnar eru að mestu úr blágrýti, sem er tegund basalts og er algengt gosberg hér á jörðinni — þá sérstaklega þeim eldfjallajarðvegi sem finna má á Íslandi.

Þeir sem vilja kynna sér vitjeppann Curiosity og rannsóknir hans á Mars er bent á að kynna sér umfjöllun Sævars Helga Bragasonar, en hana má finna hér.