Kim Dotcom snýr aftur

Kim Dotcom, stofnandi skráarskiptasíðunnar Megaupload, hefur opinberað nýja vefsíðu þar sem notendur geta nálgast höfundarvarið efni.

Vefsíðan er kölluð Mega. Í samtali við Reuters sagði Dotcom að dulkóðun síðunnar gerði það að verkum að aðeins notendur hennar — ekki stjórnendur — gætu nálgast og dreift því efni sem vistað er á netþjónum hennar.

Þannig vonast Dotcom til að fara á svig við bandaríska lög um brot á hugverkavernd.

Mega fer í loftið 20. janúar á næsta ári, þegar ár er liðið frá því að Dotcom var handtekinn á heimili sínu í Nýja-Sjálandi.

Dotcom hefur verið ákærður fyrir peningaþvætti, fjárplógsstarfsemi og fleira. Það var bandaríska alríkislögreglan sem gaf út handtökuheimild á hendur Dotcom.