Sir Alex: Leikmenn Liverpool voru í herferð gegn Hodgson

Sir Alex Ferguson kennir leikmönnum Liverpool um að Roy Hodgson hafi verið rekinn frá félaginu. Hann kennir fjölmiðlum einnig að hluta til um.

Ferguson er einn fárra sem sjá á eftir Hodgson úr stjórastól Liverpool. Hvort ömurlegt gengi erkifjenda þeirra frá Merseyside hafi verið ástæðan skal ósagt látið.

"Þetta var svekkjandi fyrir Roy," sagði Ferguson. "Ég held að það hafi augljóslega verið einhverskonar herferð gegn honum. Það er engin spurning um það."

"Þetta er svekkjandi af því hann hafði reynsluna í starfið, en hann hafði leikmenn ekki með sér. Það er augljóst. Ég þekki ekki allar kringumstæðurnar en mér fannst í gegnum fjölmiðlana að þetta hefði verið dauðadæmt hjá honum," sagði Ferguson um sinn gamla vin.