Bankaði upp á hjá Ferguson með DVD disk og fékk að spreyta sig

Max Lonsdale er ekki þekktasta nafnið í fótboltaheiminum. Hann virðist vera með bein í nefinu því hinn 18 ára gamli leikmaður er nú á reynslu hjá Manchester United eftir að hann bankaði upp á hjá Alex Ferguson og lét hann fá DVD disk sem innihélt hápunkta úr ýmsum leikjum hjá Lonsdale. Sir Alex tók vel á móti drengnum sem var látinn fara frá Macclesfield Town á síðustu leiktíð og Lonsdale er nú til reynslu hjá enska meistaraliðinu.

Hægt er að skoða myndbandið í heild sinni með því að smella á örina hér fyrir ofan.

Ef þetta gengur ekki upp hjá Lonsdale er ljóst að hann er efnilegur sölumaður því hann kom DVD disknum á Ferguson með því að banka upp á hjá knattspyrnustjóranum á skrifstofunni.

Fergusons sagði við Lonsdale að þjálfarar varaliðsins myndu skoða DVD diskinn og hafa samband. Lonsdale, sem er örvfættur miðjumaður, fékk síðan að reyna sig hjá Man Utd í eina viku og lék hann tvívegis með varaliðinu. Hann lék við hliðina á Darron Gibson á miðjunni í 7-1 sigurleik gegn Spartans en það er ekki ljóst hvort Lonsdale fái fleiri tækifæri hjá Ferguson.