Niang spenntur fyrir Liverpool

Framherjinn Mamadou Niang hefur verið sterklega orðaður við Liverpool að undanförnu og segist hann spenntur fyrir félaginu.

Niang er 31 árs gamall framherji frá Senegal sem leikur með Fenerbahce í Tyrklandi. Hann hefur staðið sig vel á leiktíðinni og skorað níu mörk í fimmtán leikjum með félaginu.

„Það er mjög spennandi að heyra af áhuga Liverpool. Þetta er frábært félag með ríka hefð," er haft eftir Niang í enskum fjölmiðlum.

„En ég er með minn samning hér og þetta er því að stærstum hluta undir Fenerbahce komið. En það væri frábært tækifæri fyrir leikmann á mínum aldrei að spila fyrir stórt félag eins og Liverpool."

Fenerbahce keypti Niang í sumar fyrir átta milljónir evra frá franska félaginu Marseille.