Stúdentar mótmæla í Lundúnum

Þúsundir stúdenta mótmæltu í Lundúnum í dag. Mótmælendurnir gengu í gegnum miðbæ Lundúna og í átt að Dómkirkju Páls Postula, en þar hafa mótmæli gegn auðvaldi og fjármálakerfinu farið fram síðustu vikur.

Um 4.000 lögreglumenn fylgdu mótmælendunum. 24 voru handteknir samkvæmt upplýsingum frá Scotland Yard.

Óvíst er hversu margir mótmælendur voru í kröfugöngunni. Samkvæmt upplýsingum frá lögreglunni voru mótmælendur um 2.000 talsins en skipuleggjendur mótmælanna segja að 15.000 stúdentar og ungt fólk hafi verið í kröfugöngunni.

Stúdentar mótmæltu háum skólagjöldum og áformuðum skipulagsbreytingum í háskólum Bretlands.