Ba kominn til West Ham

Demba Ba hefur loksins fengið lausn sinna mála en gengið hefur verið frá því að hann verði lánaður til West Ham til loka tímabilsins frá þýska úrvalsdeildarfélaginu Hoffenheim.

Sky Sports greindi frá því í gær að Ba væri á leið til West Ham og nú hefur það verið staðfest.

Hann var á leið til Stoke fyrr í mánuðinum en féll á læknisskoðun. Hann var einnig orðaður við önnur félög í ensku úrvalsdeildinni.

Ba fór í verkfall hjá Hoffenheim þegar að félagið neitaði í fyrstu að samþykkja West Ham í kappann.

En nú hefur málið verið leyst og þykja það einkar góð tíðindi fyrir West Ham sem er í neðsta sæti ensku úrvalsdeildarinnar. Liðið gerði 2-2 jafntefli við Everton um helgina.