Erfið myndun þjóðstjórnar

Viðræður um myndun þjóðstjórnar í Grikklandi standa enn yfir. Um miðjan dag í gær gengu fulltrúar litla hægriflokksins Laos á dyr og var þá gert hlé á viðræðunum, sem hafa staðið yfir frá því á sunnudag. Þeim verður þó haldið áfram í dag.

Að sögn grískra fjölmiðla er enn deilt um hlutverk stóru flokkanna í stjórninni og forsætisráðherraefni. Georg Papandreú, fráfarandi forsætisráðherra, flutti í gær ávarp í sjónvarpi sem talið var að væri kveðjuávarp hans. Þar hét hann því að nýja ríkisstjórnin myndi koma í framkvæmd óvinsælum aðhaldsaðgerðum í tengslum við nýjasta björgunarpakka ESB.- mþl