Ancelotti: Að þjálfa Roma er aðeins draumur

Ítalskir fjölmiðlar spá því margir hverjir að Carlo Ancelotti, stjóri Chelsea, muni taka við stjórnartaumunum hjá Roma næsta sumar.

Ancelotti þykir vera valtur í sessi hjá Chelsea og margir spá því að hann fái að fjúka í sumar. Claudio Ranieri sagði upp hjá Roma og Vincenzo Montella var aðeins ráðinn út tímabilið þannig að starfið er sagt bíða eftir Ancelotti í sumar.

Ancelotti hefur þó gert sitt til að draga úr sögunum.

"Að þjálfa Roma er aðeins draumur í augnablikinu. Það hefur alltaf verið draumur og er enn aðeins draumur. Mér liður vel hjá Chelsea," sagði Ancelotti.