Sunderland samdi við tvo í dag

Þeir Stephane Sessegnon og Sulley Muntari gengu í dag til liðs við enska úrvalsdeildarfélagið Sunderland.

Sessegnon skrifaði undir þriggja og hálfs árs samning en Muntari kemur á lánssamningi frá Inter á Ítalíu sem gildir til loka tímabilsins.

Sunderland greiddi franska félaginu Paris St. Germain sjö milljónir evra fyrir Sessegnon sem vildi ólmur komast í burtu frá París.

Báðir gætu komið við sögu þegar að Sunderland mætir Chelsea á þriðjudaginn.

Þeir eru báðir miðvallarleikmenn en Muntari er frá Gana og Sessegnon frá Benín.