Lampard vill spila til fertugs

Frank Lampard segir að hann vilji halda áfram að spila í ensku úrvalsdeildinni í átta ár í viðbót eða þar til að hann verður fertugur.

Ryan Giggs, sem er 37 ára, hefur samþykkt að spila í eitt ár til viðbótar með Manchester United og þá spilaði Paolo Maldini þar til hann varð fertugur.

Lampard verður 33 ára gamall í júní næstkomandi og segist ekkert vera á þeim buxunum að hætta á næstunni.

„Ég vona að ég geti spilað jafn lengi og Ryan Giggs og Paolo Maldini," sagði Lampard við enska fjölmiðla.

„Maldini spilaði með Ítalíu í mörg ár og stóð sig vel bæði með félagsliði sínu og landsliði."

„Sá tími mun koma þegar maður spyr sig hvort að landsliðið muni enn hafa þörf fyrir mig. En vissulega breytist geta manns til að spila 60-70 leiki á ári með tímanum."

„En svo virðist sé að viðhorfið í Englandi sé almennt það að leikmenn séu á síðustu metrunum við það eitt að verða þrítugur. Það er mjög gamaldags sjónarmið."

Hann segist ekki spenntur fyrir því að spila annars staðar en á Englandi en hefur hug á því að fara í þjálfun eftir að leikmannferlinum lýkur.