Boeing 767 nauðlendir í Varsjá

Boeing 767 flugvél með 230 farþega innanborðs þurfti að nauðlenda í Varsjá í Póllandi eftir að bilun kom upp í lendingarbúnaði vélarinnar.

Nauðlendingunni var sjónvarpað í Póllandi. Mikill viðbúnaður var á flugvellinum í Varsjá og var eldvarnarfroðu sprautað yfir flugbrautina áður en vélin lenti. Kviðlendingin gekk vel þrátt fyrir mikið neistaflug.

Talsmaður flugvélagsins LOT sagði að flugvélin hefði hringsólað yfir Varsjá í klukkutíma og losað eldsneyti sitt. Loka þurfti flugvellinum og voru nálægar íbúðargötur rýmdar.

Samkvæmt Leszek Chorzewski, talsmanni LOT, slasaðist enginn í lendingunni. Hann sagði eldur hefði ekki komið upp en að björgunarsveitir hafi samt sem áður baðað flugvélina með vatni og froðu.

Hægt er að sjá nauðlendinguna á YouTube síðu Reuters.