Reynt að fá Palestínumenn til að hætta við umsókn

Bandarískir og evrópskir diplómatar gera nú allt sem í þeirra valdi stendur til þess að fá Palestínumenn til þess að hætta við umsókn sína að Sameinuðu þjóðunum. Háttsettir menn í utanríkisráðuneyti Bandaríkjanna eru í Palestínu ásamt Catherine Ashton sem fer með utanríkismál Evrópusambandsins og Tony Blair sérstaks erindreka kvartettsins svokallaða.

Palestínumenn ætla að sækja um fulla viðurkenningu á ríki sínu en Ísraelar hafa hótað því að umsóknin muni hafa harðar og alvarlegar afleiðingar. Raunar eru engar líkur á því að tillagan verði samþykkt, því Bandaríkjamenn hafa þegar tilkynnt að þeir muni beita neitunarvaldi sínu.

Ríki Evrópusambandsins eru hinsvegar sum hver samþykk tillögunni en önnur eru á móti.