Umfjöllun: Albert tryggði Fylki sigur í Eyjum

Albert Brynjar Ingason skoraði bæði mörk Fylkismanna í 2-1 sigri liðsins á ÍBV á Hásteinsvellinum í Eyjum í 2.umferð Pepsi-deildar karla í dag. Þetta var fyrsti sigur Fylkis í sumar en liðið missti niður 2-0 forystu í fyrstu umferðinni.

Eyjamenn byrjuðu leikinn þó betur, voru með vindinn í bakið og héldu boltanum nokkuð vel. Fylkismenn skoruðu þó úr fyrsta almennilega færinu sínu eða á 14 mínútu. Það var þá aukaspyrna utan af hægri kannt tekin af Andrési Má, inn í teig þar sem Gylfi Einarsson potaði boltanum á Albert Brynjar sem lagði boltan í netið.

Aðeins korteri síðar eða á 29 mínútu náðu Eyjamenn þó að jafna, hornspyrna tekin af Ian Jeffs, Andri Ólafsson skallaði boltan frá fjærstön og aftur fyrir markið en þar potaði Jordan Connerton boltanum fyrir miðvörðinn Rasmus Christiansen sem hamraði boltanum upp í þaknetið.

Ian Jeffs fór svo meiddur af velli stuttu seinna og Yngvi Borgþórsson kom inná í hans stað. „Það er alltaf slæmt að missa menn útaf sem eru að byrja inná, það getur ruglað því sem sett var upp." Sagði Heimir Hallgrímsson eftir leik.

Síðari hálfleikur var svo alls ekki mikil skemmtun fótboltalega séð, liðunum gekk frekar illa að halda boltanum innan liðsins.

Það voru svo Fylkismenn sem náðu að nýta sér vindinn sem þeir höfðu í bakið í síðari hálfleik. Þar var aftur að verki Albert Brynjar sem skoraði eftir að Kjartan Ágúst slapp einn upp vinstri kanntinn og lagði boltan fyrir Albert.

Leikurinn var lítið spennandi eftir markið, hvorugt liðið náði að skapa sér hættuleg færi. Það voru því Fylkismenn sem fóru með sigur af hólmi á Hásteinsvellinum.

ÍBV-Fylkir 1-2 - tölfræðin í leiknum0-1 Albert Brynjar Ingason (14.)

1-1 Rasmus Christiansen (29.)

1-2 Albert Brynjar Ingason (74.)

Hásteinsvöllur

Áhorfendur: 745

Dómari: Erlendur Eiríksson 7

Skot (á mark): 13-7 (6-5)

Varin skot: Albert 4 – Fjalar 5

Horn: 3-3

Aukaspyrnur fengnar: 14-12

Rangstöður: 3-0

ÍBV (4-5-1)

Albert Sævarsson 4

Arnór Eyvar Ólafsson 4

Rasmus Christiansen 6

Eiður Aron Sigurbjörnsson 5

Matt Garner 5

(84., Guðmundur Þórarinsson -)

Jordan Connerton 4

(69., Denis Sytnik -)

Andri Ólafsson 5

Ian David Jeffs 5

(38., Yngvi Magnús Borgþórsson 3)

Tony Mawejje 4

Þórarinn Ingi Valdimarsson 5

Tryggvi Guðmundsson 6

Fylkir (4-3-3)

Fjalar Þorgeirsson 5

Þórir Hannesson 5

Kristján Valdimarsson 5

Valur Fannar Gíslason 5

Kjartan Ágúst Breiðdal 6

Baldur Bett 5

(87., Oddur Ingi Guðmundsson -)

Gylfi Einarsson 7

Andrés Már Jóhannesson 6

Ingimundur Níels Óskarsson 5

Albert Brynjar Ingason 8 - maður leiksins -

Jóhann Þórhallsson 6

(82., Rúrik Andri Þorfinnsson -)