Íslenski boltinn

Hreinn: Við kunnum alveg fótbolta þótt við búum á Akureyri

Kolbeinn Tumi Daðason skrifar
Hreinn Hringsson og Páll Viðar Gíslason.
Hreinn Hringsson og Páll Viðar Gíslason.
Hreinn Hringsson aðstoðarþjálfari Þórs var kampakátur með sigur sinna manna gegn Fram. Fyrir leikinn átti hann allt eins von á því að liðið tæki þrjú stig í Laugardalnum.

„Við ákváðum það fyrir sumarið að liggja ekki til baka heldur spila okkar bolta. Við erum með gott lið, við vitum það og kunnum alveg fótbolta þótt við búum á Akureyri. En þetta var sætt í dag."

Hreinn spilaði á sínum tíma undir stjórn Þorvaldar norðan heiða og þekkir vel til vinnubragða hans.

„Við vorum að spila við líklega eitt best skipulagða lið landsins. Toddi er þekktur fyrir það og ég þekki það af eigin reynslu, mjög fær og góður þjálfari þar á ferð, mjög skipulagðir og yfirspiluðu okkur gjörsamlega í seinni hálfleik. Við vorum góðir í fyrri hálfleik, skoruðum þetta mark og vörðum markið í seinni hálfleik."

Pepsi Max-deild karla

Tengdar fréttir

Umfjöllun: Nýliðar Þórs unnu Framara í Laugardalnum

Þórsarar fögnuðu fyrstu stigum sínum í Pepsi-deild karla í knattspyrnu í dag þegar þeir lögðu Fram að velli með einu marki gegn engu í Laugardalnum. Óhætt er að segja að Þórsarar hafi stolið stigunum þremur því Framarar voru mun meira með boltann og sköpuðu sér fleiri færi. Barátta Þórsara sem voru tilbúnir að "deyja fyrir klúbbinn“ skilaði sér þó í þremur stigum á meðan Framarar eru stigalausir að loknum tveimur umferðum.

Daði: Boltinn fór einfaldlega ekki inn

Reynsluboltinn Daði Guðmundsson var í liði Framara sem sigraði Þór síðast þegar liðin mættust í efstu deild sumarið 2002. Daði var á skotskónum í þeim leik en gleymdi líkt og félagar sínir að reima á sig skotskóna í dag. "Við héldum boltanum líklega 80 prósent af leiknum. Fengum sextán horn, óteljandi krossa, nokkrar aukaspyrnur fyrir utan teig úr góðum færum en boltinn fór einfaldlega ekki inn. Það var það sem vantaði.“

Mest lesið


Fleiri fréttir

Sjá meira


×

Mest lesið