Andy Rooney látinn

Andy Rooney lést í dag, 92 ára að aldri. Hann var einn vinsælasti og umtalaðasti sjónvarpsmaður Bandaríkjanna, helst þekktur fyrir vikulegan pistil sinn „Nokkrar mínútur með Andy Rooney“ sem var hluti af fréttaþættinum 60 Minutes.

Andy Rooney tilkynnti fyrir stuttu að hann hygðist draga sig út úr fréttamennsku og setjast í helgan stein. Síðasta skiptið sem hann kom fram í 60 Minutes var 2. október síðastliðinn.

Rooney hóf störf hjá CBS árið 1949. Hann hafði því 62 ára starfsferil að baki.